Sakafom-pitondran-tena isan’andro
Alaovy ny FANANTENANA iray sotrokely
Dia arotsahy anaty FAHARETANA roa litatra
Ampifangaroy amin’ny FINIAVANA efatra sotro
Sy FINOANA indray mitete
Ary FAHAMALINANA iray fonosana
Teneho amin’ny AFOM-PITIAVANA miredareda
Ka rehefa mangotraka dia tampohy FANENTREN-TENA iray daba
Avelao hiotrika kely dia arosoy mafana eo ambony latabatry ny FITIAVANA
Haingoy amin’ny HALEMEM-PANAHY iray fehezana
Sy TSIKITSIKY MALEFAKA iray sobika
Ary hano mavitrika miaraka amin’ny FANDAVAN-TENA
Saingy fadio ny zava-pisotra mahery vaika toy ny AVONAVONA sy ny FIALONANA ary ny VALIFATY
Sady MANIMBA TENA ireny no mampiditra ANGANO
