Mitohy ny asa fitoriana amin’ny endriny vaovao
Click to Pray
Mahatratra 310.000 ankehitriny ireo mampiasa ity fitaovana ity. Marihina fa fitenim-pirenena efatra no misy ankehitriny dia ny frantsay, anglisy, espagnôla ary portugey. Hiampy telo kosa izany amin’ity taona ity : italianina, sinoa ary alemanina. Sehatra hahafahana manantanteraka ny vavaka asain’ny Ray Masina ataontsika ny Click to pray. Amporisihina ihany koa isika hiombom-bavaka amin’ireo mpikambana ao anatin’ny Tambajotram-pivavahan’ny Papa.
>>> Tsidiho ny www.clicktopray.org
Horonantsarin’ny Papa Ray Masina
Nosantarina tamin’iny taona lasa iny ihany koa ny horonantsary ho fiombonam-bavaka amin’i Papa Fransoa. Raha ny tarehimarika voaray farany dia nahatratra 13 tapitrisa ireo olona nijery izany nandritra ny 2016. Marihina fa manampy amin’ny fanampariahana azy ireo tambajotra-tseraseran’ny Vatikanina. Misy amin’ny fitenim-pirenena 10 ankehitriny io horonantsary iarahana amin’ny Ray Masina io : espagnôla, anglisy, portugey, frantsay, italianina, sinoa, arabo, alemanina, holandey ary hebrio.
>>> Tsidiho ny www.thepopevideo.org