Fifaninana hira faneva mandritra ny taon-jôbilin’ny AFAFI-FET
Mikarakara fifaninanana hira faneva ny foibe nasiônaly AFAFI-FET ho fankalazana ny faha 100 taona niorenan’ny FET, faha 170 taonan’ny AFAFI ary ny faha 95 taonan’ny FET Madagasikara.
And 1 : Ny vontoatin’ny tononkira dia ahitana :
– Ny teny fanevan’ny fankalazana : « Mba ho ao aminareo ny fifaliako » Joany 15, 11
– Ny aim-panahy AFAFI-FET
And 2 : Ny tononkira dia ahitana andininy telo raha be indrindra sy fiverenana iray ; ka tsy mihoatra ny andalana 6 ny andininy sy ny fiverenana.
And 3 : Ny hira dia natao mba ho azo ampiasaina mandritra ny taona mifandimby, noho izany tsy tokony hisy tarehimarika na taona manondro ny taom-pankalazana.
And 4 : Faharetan’ny hira : 3 minitra ka hatramin’ny 5 minitra.
And 5: Ny mpandray anjara dia ireo AFAFI-FET manerana ny Nosy, ka hira iray isan-diôsezy ihany no miakatra aty amin’ny Foibe.
And 6 : Tsy voafetra ny zavamaneno ampiasaina ary azo atao ny mihira tsy arahin-javamaneno « a capella »
And 7 : Tsy maintsy misy taratasy fanamarihana avy any amin’ny Aomônie mpiandraikitra ny FET Diôsezy ny fifaninanana vao miakatra aty amin’ny Foibe Nasiônaly
And 8 : Atao anaty CD ny hira ary ampiarahana amin’ny tonony (an-tsoratra)
And 9 : Fandraisana ny fifaninanana aty amin’ny Foibe Nasiônaly : Manomboka ny 1 Septambra 2014 ka hatramin’ny 31 oktobra 2014. Marihina fa tsy manan-kery ireo fifaninanana tara io fe-potoana io.
Fanamarihana :
1) Hisy ny loka hatolotra ho an’ireo hira telo voalohany
2) Ny valin’ny fifaninanana dia havoaka amin’ny gazetim-panabeazana FET
3) Hisy komity manokana hitsara ny fifaninanana.
4) Tsy ny hatsaran’ny fandraisam-peo na ny hamaroan’ny zavamaneno ampiasaina no hitsarana ny mpifaninana, noho ny tsy fitovian’ny zava-misy amin’ny toerana samihafa, fa ny hakanton’ny hira sy fanarahana ireo fepetra na toromarika voalaza etsy ambony
5) Ny hira rehetra dia mijanona ho fananan’ny Foibe ary azo ampiasaina amin’izay ilana azy.
Contact
Aina sy FAmonjena ny FIvavahana (AFAFI)
Fivondronana Eokaristikan’ny Tanora (FET)
Lot IVG 199 – Porte 38
Immeuble CNPC Antanimena
Tel : 22 236 94 / 033 02 892 13 / 034 06 262 59
E-mail : fet_afafi@yahoo.fr