Fangatahana ny famindrampon’Andriamanitra iarahana amin’i masimbavy Faustine
Andriamanitra ô, mihoatra noho ny asanao ny famindramponao. Misaotra Anao aho noho ny fahasoavana marobe nomenao ny fanahin’ny mpanomponao, dia i masimbavy Faustine, fa indrindra ny nanehoanao taminy ny famindramponao tsy misy fetra izay te hiparitaka amin’ny fanahy tsirairay avy sy amin’ny taranak’olombelona fadiranovana.
Amim-pitokiana lehibe ry Tompo, no angatahiko an’izao aminao : mba ampisehoy ahy ny famindramponao, ary raha hahasoa ny fanahiko dia mba omeo ahy izao fahasoavana izao …(fangatahana am-pahanginana)
Tahio aho noho ny fitalahoan’i masimbavy Faustine sy amin’ny alalany izay nofidinao hilazana ny tsiambaratelonao sy ho apostolin’ny famindramponao. Koa satria tsy misy fetrany io famindramponao io, dia mangataka Aminao amin’ny alalan’i masimbavy Faustine : alofy amin’ny famindramponao ny tanindrazanay ary arovy amin’ny rofy rehetra.
Ampio izahay tsy hisaraka na oviana na oviana amin’ny Zanakao, sy amin’ny Fiangonana iray, Masina, Katôlika, Apostôlika. Amena.
